Նոր ծանոթությունները միշտ օգտակար են և հաճելի: Հոգեբանի ակումբով ևս ծանոթացանք Վարսեր համայնքի միջնակարգ դպրոցի սովորողների և ուսուցիչների հետ:
Մեր ծանոթությունը խմբի հետ չէր կարող լինել սովորական տարբերակով, քանի որ ամեն ինչին նայում ենք հոգեբանության տեսանկյունից և օգտագործեցինք մեր հոգեբանական տեխնիկաները։
Խմբի համար նախատեսել էինք նաև հոգեբանական խաղ-տեխնիկա, որի ընթացքում մասնակիցները մի պահ կարծես դառձան հոգեբաններ, աջակցող խումբ և փորձեցին խորհուրդներ ու լուծումներ առաջարկել մասնակիցների նշած խնդիրներին ու դժվարություններին: Արդունքում էլ մասնակիցները կարողացան իրենց դժվարությունը տեսնել այլ մարդկանց տեսանկյունից և ընտրել առաջարկված լուծումներից լավագույնը:
Հաճելի էր շփվել և լսել Վարսերի և՛ սովորողների, և՛ ուսուցիչների կարծիքները: Ցանկություն առաջացավ կրկին հանդիպելու, որի առթիվ ակումբի սովորողները նախաձեռնեցին նախագծային հանդիպման աշխատանք:
Սուսաննա Չալիկյանի բլոգ 