Էկրանից այն կողմ իրար լսելուց ձանձրացած հոգեբանի ակումբի հերթական հանդիպումը վերջապես տեղի ունեցավ ֆիզիկական միջավայրում: Զանազան թեմաների քննարկումներից հետո կարիք կար գործնական, ինքնաբացահայտման, ինքնավերլուծության մղող աշխատանքի:
Աշխատանքը ուղղված էր սեփական Ես-ի յուրահատկության գիտակցմանը, վերլուծությանը, սեփական առանձնահատկությունների վերհիշմանն ու բացահայտմանը:
Քանի որ յուրաքանչյուր մարդ առաջին հերթին իր մատնահետքով է տարբերվում ու դրանով դառնում յուրահատուկ, այս աշխատանքը հենց դա էր խորհրդանշում, չնայած թղթային պատկերները նույն մատնահետքի ձևն ունեին:
Մատնահետքի գծերն օգտագործվում են որպես տողեր, որոնց վրա կարելի է գրել: Սովորողները գրավոր պատմել էին իրենց մասին, թե ինչն է դարձնում իրենց յուրահատուկ: Աշխատանքը շատ հետաքրքիր էր ստացվել, ցանկացողները կարդացին իրենց աշխատանքներն ու կատարվեց քննարկում:
Սուսաննա Չալիկյանի բլոգ 